Ансел Адамс (1902 - 1984)

Ансел Адамс со своите пејзажи се уште е инспирација за младите фотографи, а дел од неговите формули во фотографирање на пејсажи се уште се применуваат во фотографијата и важат за своевиден репер.
Тој е автор и на голем број фотографски книги-албуми со теми од националните паркови во САД,  а најмногу од неговиот омилен парк - Јосемити.
Адамс е роден во 1902 година во Сан Франциско, на 14 години (1916) го напушта школувањето и решава самиот да се школува и дома ги учел основните предмети. Негова почетна желба била да стане концертен пијанист и долго време и посветил на музиката, се додека не ја добил книгата "Во срцето на Сиера", од тетка му.
Фотографиите во книгата биле на Џорџ Фиске и го фасцинирале несудениот пијанист, па тој ги убедил родителите да отидат во националниот парк Јосемити.
На тој излет, го добил својот прв фотоапарат, Кодак Брауни, и така почнува неговата приказна како фотограф.
Освен разните тутори, најголем извор на фотографско знаење за идниот мајстор била  изложбата Панама - Pacific International Exhibition, која била посветена на отварањето на Панамскиот канал. Адамс бил фасциниран од изложените фотографии и цела година бил редовен посетител во галеријата.
Самиот поим фотографија асоцира на прекрасните црно - белите пејзажи од националните паркови во Америка.
Освен вонвременските фотографии во кои е заробена прекрасната природа, тој е автор и на неколку стручни фотографски книги како Камерата; Негативот; и Отпечатокот.
По средбата со Алфред Штиглиц во 1933, отвора сопствена галерија во Сан Франциско. Неговата прва книга која се однесува на фотографската вештина е печатена во 1935 година под насловот Макинг а Пхотограпх.
Во меѓувреме, Ансел го толку го одушевува Штиглиц со својата работа, што овој му отвора изложба во Њујорк во галеријата An American Place.
Адамс го измислил и зонскиот систем во фотографијата што е техника која му овозможува на фотографот подобра контрола во изработката на фотографија и извлекување на максимален тонален опсег од црно белиот филм.
Заедно со фотографот Едвард Вестон тие ја формираат Групата Ф/64 која е посветена на афирмирањето на фотографијата како независна и самородна уметност, наместо како имитација на другите визуелни уметнички форми.
Ансел Адамс бил член и претседател на најголемото американско еколошкото друштво Сиера клуб кое издејствувало од американската влада прогласување на неколку национални паркови.
На интернет неговите трудови можат да се најдат на сајтовите:
www.anseladams.com
www.zpub.com/sf/history/adams.html
www.sfmoma.org/adams